Estranjeiru Uza Sala Vistu, Haruka Fila Ba Nia Rai

DILI-Reprezentante povu iha Uma Fukun Parlamentu Nasional (PN), husu ba Governu atu hare ema estranjeiru liu-liu Xineza sira neebe maka uza sala vistu turista, hodi halao aktividade servisu iha rai laran, atu haruka fila ba sira nia rai.

Membru Komisaun C PN, neebe trata asuntu Finansas Publika, deputadu Cristovao Barros dehan, ema estranjeiru liu liu Xineza neebe uza sala vistu turista nian, ba servisu fali sai sofer no badae halo fali baleta nee tenke kaer sira haruka fila fali ba sira nia rai, tanba servisu nee ema Timor oan mos bele halo.

Ami  husu ba Ministeiru kompetente liu liu Imigrasaun atu kria komunikasaun ida ho autoridade lokal, atu hatene ema sira nee nia paradeiru mai vizita familia ka mai hanesan traballador, tanba balu ita nia kompania sira  uza fali  hodi sai badae, no sofer iha ita nia rai lara ,” dehan deputadu Cristovao ba STL, iha PN, Dili, Kinta (30/06/2016).

Nia dehan, Servisu hanesan badae no sofer nee lapresiza ema estranjeiru sira maka mai halao, tanba servisu hanesan nee ema Timor oan mos bele halao. Deputadu Cristovao dehan, kestaun ida nee Governu tenke foti desizaun ida atu nunee labele mosu kecemburu aan social entre ema estrnajeiru ho ema Timor oan sira.

Iha fatin hanesan Deputadu bankada CNRT Manuel Gutreres husu ba Governu atu identifika ema estranjeiru liu liu Xineza sira neebe maka mai halao servisu hanesan badae, sofer, hadia ac no seluk  tan, atu haruka fila ba sira nia rai, tanba servisu nee ema Timor oan mos bele halo. Informasaun kompletu iha STL Jornal no STL Web, edisaun Sesta (1/7/2016). Carme Ximenes

LEAVE A REPLY

Please enter your comment!
Please enter your name here