Estudante Foun 832 Tuir Orientasaun

DILI– Estudante foun husi Universidade Oriental Timor-Leste (UNITAL) hamutuk 832 hahu tuir orientasauin, ho objektivu atu estudante sira bele hatene lalaok  ambiente universitariu.

Tuir Vise Reitor asuntu estudante UNITAL Ricardo da Costa Riveiro neebe representa Magnifiku Reitor UNITAL iha nian deskursu katak ohin  UNITAL hahu halo orientasaun ba estudante foun ba anu lektivu 2017, ho objektivu atu estudante foun sira bele hatene konaba lalalok ambiente universitariu nian molok halo prosesu apredisajen.

Estudante foun sira neebe maka resitu iha UNITAL ba tinan ida nee tuir lolos kuase mil pessoal, maibe oras nee ba eastudante sira neebe maka hola parte iha orientasaun nee iha deit oitu sentus trinta e tal deit tamba barak maka deside tinan oin tuir orientasaun fali, tamba balun seidauk priense kriteria,” dehan Ricardo iha deskursu ba abertura orientasaun estuddante foun UNITAL anu lektivu 2017 iha salaun UNITAL, Tersa (7/3/2017).

Nia dehan ba tinan nee mosu simplifikasaun iha prosesu orientasaun ba estudante foun kompara ho tinan kotuk. Tinan kotuk prosesu orientasaun nee bele too loron haat (4) maibe agora husi komisaun organizadora autoriza deit ba loron rua.

loron ida lori estudante ba konese lalaok universitariu no iha loron tuir mai, lori estudante foun hirak nee ba iha fakuldade hodi bele konese klean  liu tan ambiente universitariu, liu-liu iha fakuldade too iha korpu dosente sira no lalaok sistema apredizajen.

Nunee mos presidente fundasaun UNITAL aktual Xefe estadu Maior F-FDTL Major General Lere Anan Timor neebe partisipa iha abertura orientasaun ba estudante foun UNITAL hateten, UNITAL nudar Universidade neebe maka funda ba ema kbiit laek sira nian oan, signifika estudante neebe maka tama iha universidade nee mai husi familia neebe kbiit laek sira.

Eis gerileriu nee mos louva estrutura Reitor too korpus Dosente sira hotu, tamba ho sira nia esforsu tomak UNITAL too ohin loron kontinua existe, desde 2002 funda, ema hotu neebe maka uluk funda universidade iha komitmentu diak maka ohin loron UNITAL kontinua universitariu ba tinan ida nee.

Abertura ba orientasaun estuddante foun UNITAL anu lektivu 2017 iha salaun UNITAL loke ofisial husi presidente fundasaun UNITAL atual Xefe estadu Maior F-FDTL Major General Lere Anan Timor.

Partisipa iha seremonia nee Vise Reitor UNITAL ho nia estrutura tomak no tema ba orientasaun estudante foun UNITAL nee rasik maka “Hari Futuru hadia vida liu husi siensia, haburas ideia inovativu hodi hatene ba loron aban neebe maka diak ba loron ohin”.  Natalino T.da Costa

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...