DILI- Reprezentante Povu iha Uma Fukun Parlamentu Nasional (PN) kestiona kona ba Orsamentu Jeral Estadu (OJE) 2013 nebe aloka ho Billiaun 1.6, aloka ba Ministeriu balun ezekuta ho montante nebe ki’ik 43%, ne’e signifika husi Ministeriu balun ejukuta orsamentu ladun diak iha 2013.
Tuir Deputadu Antonio Ximenes Bankada CNRT hatete, Ezekusaun orsamentu hanesan ne’e tuir lolos ladiak, tamba 2012 no 2013 atu deskuti kona ba orsamentu 3013 tarde no Governu haruka atu pormulga mos tarde, ho ida ne’e osan sai tarde.
Hau ladun hatene osan ne’e ejukuta ho 43% restu ne’e se iha ka lae ita la hatene, maibe dala ruma mos osan ne’e se iha no sira atu halo transferensia oinsa, Governu mos tenki halo fali estudo ba ida ne’e, atu nune orsamentu nebe aloka keta lakon, tenik Antonio ba STL iha PN, Sesta (18/10/13).
Iha Fatin hanesan Deputadu Paulino Monterio hatutan, ezekutasaun orsamentu iha 2013 minim liu, razaun ida tamba tarde no implementasaun Programa husi MInisteriu balun maka ladun diak. Informasaun kompletu iha STL Jornal no STL Web, edisaun Sabado (19/10). Jesuina da Costa