F-FDTL Sei Apoiu PNTL Garante Estabilidade Rai Laran

DILI – Falintil Forsa Defeza Timor Leste (F-FDTL) sei fo apoiu ba Polisia Nasional Timor Leste (PNTL), hodi bele garante estabilidade iha rai laran.

Deklarasaun nee fo sai husi Primeiru Ministru (PM) Rui Maria de Araujo, ba jornalista sira iha Palacio Governu Sesta (18/03/2016), relasiona ho informasaun neebe mak Xefi Governu simu katak iha grupu artemarsiais balu hahu halao fali aktividade iha tempu kalan, maske governu foti ona desizaun taka.

Nee kompetensia forsa seguransa wainhira iha risku ruma ba siguransa publika no ordem publika, tanba nee PNTL iha responsabilidade atu garante agora iha situasaun balu wainhira PNTL mesak sente dezafius boot liu, entaun bele iha mos apoiu husi F-FDTL,” hatete PM Rui.

Nia hatutan Funsaun Falintil Forsa Defeza Timor Leste atu defeza laos siguransa maibe wainhira iha kestaun ordem publika iha nesesidade, maka governu bele hola desijaun atu tau forsa rua hanesan PNTL no F-FDTL hodi bele servisu hamutuk no agora dadaun governu sei halo hela analiza risku no wainhira kompletu maka governu sei deside ou foti desizaun.

Iha fatin ketak tuir membru deputadu husi komisaun B PN neebe mak trata asuntu konaba siguransa, Cessar Valente de Jesus, hatete durante nee sei iha konflitu kiik balu neebe mak akontese iha rai laran maske PNTL no F-FDTL halo seguransa ho diak.

Nunee mos Filipe de Andrade, mos hatete oras nee komoniade balu sei trauma atu sai kalan tanba iha ema deskuinesidu mak gosta estraga ema liu-liu iha tempo kalan. Informasaun kompletu iha STL jornal no STL Web, edisaun Sabado (19/3/2016). Thomas Sanches

LEAVE A REPLY

Please enter your comment!
Please enter your name here