DILI-Tribunal Distrital Dili aplika pena multa ba arguidu nain 6 ne’ebé komete krime elizito de jogu. Hodi fa’an kupon SDSB ilegal husi nasaun Singapura nian.
Liu husi leitura sentensa tribunal aplika pena multa ba arguidu Alberto Henrique ho valor U$ 1.00 no tenki selu durante loron 90. No arguidu nain lima seluk hanesan Afonso Riberio, Antonio Martins, Joao Piedade, Joao dos Santos no Osvaldo Agusto tribunal aplika pena multa ho montante U$ 0,50 centavos kada loron to’o loron 90.
Maibe sekuando durante loron nebe mak tribunal desidi ona, arguidu sira la kumpri sei hetan kastigu durante loron 60 iha sela prizaun.
Leitura sentensa ne’ebé fo sai husi juiza estranjeiru Jumiati Maria Freitas ho rajaun katak faktus ne’ebé junta iha akuzasaun Ministeriu Publiku provadus hotu. Arguidu sira hatene katak jogus nee ilegal no lahetan lisensa husi governu TL. Maibe arguidu sira kontinua pratika nafatin hodi hetan lukru ba sira nia a’an. Nune’e ho desizaun ne’ebé tribunal aplika atu evita arguidu sira labele komete hahalok hanesan iha futuru.
Leitura sentensa ne’e prezidi husi Juiza singular estranjeiru, Jumiati Maria Freitas, Ministeriu Publiku reperejenta husi Procurador Mateus Nesi Kefi no arguidu sira hetan asistensia legal husi defensor estagiariu Jonas Henrique. Informasaun kompletu iha STL jornal no STL Web, edisaun Tersa (8/10). Domingas Gomes