Familia Labele Halo Violensia Ba Malu, Lalika Lori Too Tribunal

DILI-Tribunal husu ba familia uma kain sira atu labele halo violensia ba malu, tenki perdua no hadomi malu hodi nunee labele lori malu too iha tribunal.

Juiz Maria Modesta liu husi audensia julgamentu husu ba familia uma laran sira atu labele halo violensia ba malu, tanba violensia la lori buat diak ba iha uma laran maibe lori problema ba uma laran. Tanba nee bainhira mosu problema iha uma laran buka dalan tur hamutuk hodi rejolve ho diak laos violensia mak solusaun. Para nunee problema nee hanesan familia labele lori malu mai iha Tribunal.

Liu husi prosesu mediasaun parte rua arguidu no vitima hakarak atu simu malu fali, tanba vitima hakarak dada fali kazu nee. No arguidu mos konkorda hodi dame malu ho lezadu iha tribunal nia oin. Ho ida nee tribunal homolonga prosesu ho numeru 0209/15.DICMR, krime ofensas integridade fisika simplest hodi eziste arguidu sira husi tribunal. Tanba krime nee ho natureza semi publiku lei fo dalan ba tribunal atu halo mediasaun ba parte rua.

Iha prosesu nee Ministeriu Publiku notifika Jose Ramos no Vicente Paul Dial nudar arguidu no Jose Ximenes hanesan lezadu iha prosesu nee. Tuir akuzasaun husi Ministeriu Publiku katak iha loron 30 de Marsu 2015 tuku 19:10 kalan iha Bebonuk arguidu sira mak bolu vitima hemu tua iha sira nia uma, nunee lezadu ho kareta ba para iha arguidu sira nia uma.

Bainhira hemu hamutuk arguidu sira goja lezadu dehan hola feto rua, neemak halo lezadu nervozu hodi riba kadeira rahun. la satisfeitu ho ida nee arguidu Jose Ramos hamrik hodi baku lezadu. Neemak lezadu ba halo keixa iha polisia. Informasaun kompletu iha STL Jornal no STL Web, edisaun Kuarta (2/3/2016). Domingas Gomes

LEAVE A REPLY

Please enter your comment!
Please enter your name here