Fatuberliu Iha Potensia Ba Turismu

DILI-Postu Administrativa Fatuberliu, Municipiu Manufahi, iha potensia ba turismu. Iha neba, iha lagoa 6 iha Welaluhu nomos fatin istoriku. Bee manas iha Postu Fatuberliu Antigu. Kuandu governu dezenvolve didiak bele atrai turista ba Fatuberlihu, no bele fo retornu ba Timor Leste.

Lagoa 6 iha Welaluhu nee mak, Modo-Mahut, Welenas, Welada, Weatarade, Webobo, no Welamusa. Iha Lagoa 6 nee, animal iha bee laran oioin deit, iha lafaek, ikan boek, tuna, kadiuk ho medelo oioin deit (iha mean, metan no sira seluk), hateten Administrador Postu Fatuberliu, Gil Teofilo Amaral ba STL iha Salaun MSS Dili Caikoli, Dili, Kinta (23/2/2017).

Atu proteje rikusoin no meu ambiente iha Fatuberliu, autoridade lokal ho lider komunitaria, inklui katuas lia nain sira, kria ona ida hodi  proteje animal sira iha bee laran no raimaran. Gil informa, sira identifika ona rikusoin no fatin potensia turismu iha Fatuberliu hanesan lagoa 6 iha Welaluhu.

Lagoa boot liu mak Modo-Mahut no Welenas. Foin lalais nee, xefi suku no komunidade sira halo enkontru hodi koalia konaba oinsa proteje ba lagoa 6 iha neba, inklui meu ambiente sira iha neba. Fatin sira nee, iha aniamal fuik hanesan bibi rusa, fahi fuik, meda laku. Animal karau barak mak fuik iha area lagoa sira iha neba. Tanba fatin lagua sira nee du,ut soko boot no ai laran tuan. Nunemos fatin sira mos potensia ba seitor agrikultura, aleinde nee iha Fatuberliu Antigu iha bee manas no fatin istoriku ba Falentil sira hodi trasa planu luta libertasaun Timor Leste, nomos Igreja antigu no Postu antigun Fatuberliu no potensia sira seluktan presiza governu central promove no dezemvolve didiak ida nee mak rikusoin TL nian.

Iha Sesta (27/2/2017), MEKAE-MAP Eng. Estanislau da Silva vizita lagoa Modo-Mahut neebe sei servisu hamutuk ho UNDP hodi kuda ai oan parapa no proteje boek iha lagua Modo-Mahut. Tanba lagua nee boot teb-tebes iha Welaluhu ou Fatuberliu.

Vice Prezidente Konsellu Paroquial Fatuberliu Gracindo Mariano, hateten katak presiza kuda  ai oan hodi proteje lagua Modo-Mahut, tanba ai neebe besik iha lagua nee barak nee barak mak maran  ona. Tanba besik tinan hat (4) resin ona bee lagua nee la takaan ou raihenek tasi la taka ona, nomos proteje ba lagu lima seluk neebe mak iha Welaluhu Fatuberliu. Tanba fatin sira nee governu promove no dezemvolve didiak bele atrai turista mai Timor Leste, no bele fo rezeitas ba Timor Leste. Augusto da Costa

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...