DILI-Bainhira fen ho laen husik malu ka soe malu, oan sira mak sei sai vitima ba inan aman sira nia problema, tanba la hetan tratamentu diak husi parte rua nian, liu-liu domin nebe mai husi inan ho aman.
Ironia ne’e akontese ba arguidu Agustinho do Rosario ho Alice Pinto, sira nain tenke husik hela sira nia osan mean Monisa Maria de Rozario Pinto ba iha nia avo husi nia aman nian. Nee akontese tanba parte rua historia malu no baku malu bebeik, hodi nunee Agustinho tenke haketak Monisa husi nia inan Alice.
Depois lori tiha nia oan ba iha nia inan sira iha Baucau, nia rasik la hela besik ho nia oan hodi fo domin nudar aman ba nia oan. Tanba nee Monisa oras nee dadauk tenke dok husi nia inan no aman, no ema nebe besik ho nia mak nia Avo no tia ho tiu sira deit.
Liu husi julgamentu testamunha Regina Pinto nudar inan husi lejada hatete, oras nee dadaun nia beioan Monisa Maria de Rozario Pinto iha nia avo sira iha Baucau. Tanba nia aman mak lori halai ba, tanba Agustinho nee halo problema ho nia fen nomos banin sira.
Nudar inan, Alice sempre hanoin nemak nia halo visita hodi ba hare nia oan feto iha Baucau. Maibe bainhira to iha Buacau Alice ba hare nia oan, familia husi nia aman nian lori nia oan subar tiha husi nia inan. Arguido lori nia oan sai husi uma Dili, tinan rua nia laran ona. Momentu nia lori halai nee Monisa sei tinan rua. Informasaun kompletu iha STL Jornal no STL Web, edisaun Sesta (31/1/2014). Domingas Gomes