DILI- Maske oras nee feto nia partisipasaun iha parte hotu ativo no iha parlamentu nasional atinzi 44% maibe seidauk balansu tanba feto neebe mak iha area remotas barak mak seidauk hetan oportunidade hanesan feto neebe mak iha sidade.
Kestaun nee hatoo husi Diretor Acbiit Manuela Leong hateten Feto nia partisipasaun ba iha politiko liu husi parlamentu nasional oras nee atinzi ona objetivo maibe seidauk balansu razaun feto rural barak seidauk hetan oportunidade no feto nia partisipasaun iha administrador sira mos seidauk iha.
“Ita haree feto ativo maibe seidauk balansu hanesan iha sidade nomos iha area remotas sira lahanesan, sidade ema barak iha oportunidade atu partisipa atu hetan partisipa esperensia diak liu tan aumenta sira nia kapasidade diak maibe iha area remotas ema barak haluha ema sei tau atensaun ba buat boot deit ezemplo ba infrastruktura bee saneamentu neebe mak ba instituisaun sira liu-liu oinsa mak hadia ema nia moris oinsa mak halo feto sira forte ekonomikamente nomos sustentavel laos intrega apoio depois husik deit sira monu ajuda fali maibe oinsa atu halo sira forte nee seidauk iha atensaun makaas” katak Diretor Acbiit Manuela Leong Pereira ba STL iha salaun UN women kaikoli kuarta (24/07/2019).
Nia mos enkoraza nafatin ba feto sira atu nunee bele forte nafatin no waihira hetan ona oportunidade keta husik leet deit maibe uja oportuidade neebe mak iha hodi kapasita aan atu bele partisipa iha dezenvolvimentu nasional.
Iha fatin hanesan Sunita Caminha Husi UN Women Iha Timor Leste hatutan tuir sira nia haree ohin loron feto iha politiko masimu ona hanesan Feto Iha Parlamentu Nasional Atinzi 44%. Emerenciana Pinto