Feto Independente Husi Asuntu Ekonomia, Bele Fo Kontribuisaun Ba Familia

DILI – Sekretaria Estadu Mulher (SEM), konsidera bainhira feto independente husi asuntu ekonomia, bele fo kontribuisaun ba iha sira nia familia.

Kestaun nee fo sai husi reprejentante SEM, Armando da Costa hatete, bainhira kontribuisaun feto iha setor ekonomia nee sai diak, iha parte ida bele redus violensia hasoru feto, tanba bele disidi rasik ona, sekarik nia hasoru violensia ho ninia laen, tanba nia la dependensia ona ekonomia ba ema seluk.

Area ekonimia sai hanesan asuntu ida neebe mak importante tebes, ita haree katak, ho misaun neebe mak SEM iha bainhira atu hasae ekonomia iha familia ami haree asuntu ida nee katak, tenke importante tebes, tanba bainhira feto nee independente husi asuntu ekonomia, nia bele fo kontribuisaun ba iha familia, tanba hetan benifisiu husi vida ekonomia nian, nomos sei ajuda tebes ekonomia moris familia nian,” hatete Armando ba jornalista iha salaun Tower Fatuhada, Dili, Kinta (13/10/2016).

Iha parte seluk, xefi suku Caicoli, Hipolito Marques, liu husi via-telefone, hatete, tuir ninia haree, agora feto hahu partisipa diak iha setor ekonomia, tanba iha ninia suku rasik, feto barak mak hahu fila liman, hodi bele haree fila-fali  sira nia familia uma laran.

Iha sorin seluk, membru rede feto, Gizela de Carvalho, hatete, feto sira tenke esforsu aan nafatin, hodi bele involve aan iha setor ekonomia, oinsa mak governu liu husi sekretaria estadu mulher bele fo koinesementu neebe mak diak ba feto maluk sira, atu nunee feto sira nia partisipasaun iha vida ekonomia sei diak liu tan iha rai laran. Informasaun kompletu iha STL Jornal no STL Web, edisaun Sesta (14/10/2016). Jacinta Sequeira/Guilhermina Franco

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...