DILI–Fundasaun Mahein (FM) ho Sekretariu Estadu Seguransa (SES), apresia tebes livru foun Polisia Nasional Timor Leste (PNTL). Livru foun ne’e hatudu planu servisu PNTL durante tinan ha’at (2014 to’o 2018).
Diretur Fundasaun Mahein (FM), Nelson Belo ba Jornalista sira hateten, ho lansamentu livru foun PNTL 2014-2018, tuir FM nia hare ne’e diak tebes, tanba lasamentu planu estratejiku nee bele sai mata dalan ba atividades polisia.
oinsa maka atu governa instutusaun ba planiamentu nebe’e bele lao tuir, no nebe’e maka trasa ona, atu nune’e bele akapta no halo atendementu ba publiku ho responsabilidade nebe’e imidiatu ba fornese seguransa iha rai laran. Tanba ne’e positivu tebes ba komando PNTL atu halo planu estratejiku ida nee, dehan Nelson bainhira partisipa lansamentu livru foun PNTL iha Kaurtel Jeral PNTL Kaikoli Dili, Segunda (10/02/2014).
Diretora jeral Sekretariu Estadu Seguransa (SES), Guilermina F Ribeiro, esplika mos katak, pasu importante atu hodi hatudu mos planu estratejiku nebe’e maka PNTL halo, hanesan mata dalan ida para diriji sira nia objetivu. Informasaun kompletu iha STL Jornal no STL Web, edisaun Tersa (11/2/2014). Sonia Fereira