FRETILIN Husu PM Xanana Atu Kontrola Membru Governu

DILI-Bankada Opozisaun FRETILIN iha uma fukun Parlamentu Nasional (PN) husu ba Primeiru Ministru (PM) Kay Rala Xanana Gusmão, atu kontrola ninia membru governu hodi bele halao servisu diak liu tan iha area ida-idak.

Kestaun ne’e hato’o husi deputadu bankada Fretilin Estanislao da Silva, ba jornalista sira iha uma fukun PN, katak PM Xanana Gusmão hanesan Xefi governu tenki kontrola ninia membru governu sira, atu halao servisu ho diak.

“Ita husu ba ita nia Primeiru Ministru (PM) para kontrolu ba ninia membru governu ida-idak, ba iha Ministru no Sekretariu estadu sira para bele halao sira nia knar ho diak liu, e nomos liu-liu ba Orsamentu Jeral do Estadu nebe’e mak PN aprova ona husu para atu ejekuta halo didiak, para bele fo benifisiu ba ita nia povu iha rai ida ne’e,” dehan Deputadu Estanislao ba jornalista  iha uma fukun PN Tersa (16/07).

Segundu Vise Prezidente PN, Aderito Hugo hateten Ministru ou sekretariu estadu ida-idak sei implementa ho diak, maibe bainhira la koresponde tuir nesesidade povu nian maka PN husu Primeiru Ministru (PM) Kay Rala Xanana Gusmão halo avaliasaun ba ninia gabinete.

Deputadu bankada PD Virgilio Hornai hateten, iha fulan hirak liu ba PN aprova OJE ba iha Ministeriu ou sekretariu estadu ida-idak, atu sira bele implementa ba povu iha rai ida ne’e, maibe husu atu sira bele ejekuta osan ne’e diak tuir nesesidade povu ka lae. Informasaun kompletu iha STL Jornal no STL web, edisaun Kuarta (17/7). Jasinta Sequeira

LEAVE A REPLY

Please enter your comment!
Please enter your name here

NEWS UPDATE

Atletizmu Realiza Kampionatu Nasional

DILI, STLNEWS.co – Federasaun Atletizmu Timor Leste realiza kampionatu nasional, ho objetivu hodi halo selesaun ba atleta sira neebe mak atu partisipa iha kompetisaun Sea...

Suku 4 Iha Munsipiu Aileu Seidauk Asesu Eletrisidade

DILI, STLNEWS.co – To'o oras nee suku 4 iha Munisipiu Aileu, kompostu husi aldeia 31 seidauk asesu eletrisidade, tanba nee sente hanesan diskriminasaun ba populasaun. Informa...

TL Presiza PR Iha Maturidade No Matenek

DILI, STLNEWS.co – Loron 19 fulan Marsu sei hala'o eleisaun prezidensial, tanba nee Timor Leste (TL) presiza Prezidente Republika (PR) neebe maturidade no matenek. Tuir...