FRETILIN Konsidera, Governu Hadia Estrada Hanesan “Suku Ropa”

DILI-Relasiona ho kondisaun estrada nebe’e mak to’o agora sei sai preokupasaun komunidade, bankada Opozisaun FRETILIN iha uma fukun Parlamentu Nasional (PN), konsidera katak, governu hadia estrada hanesan suku ropa.

Kestaun ne’e hato’o husi deputadu Eladio Antonio, ba jornalista iha uma fukun Parlamentu Nasional (PN), Segunda (9/9), katak estrada nebe halo, barak mak la to’o tinan at fali ona, tamba ne’e nia husu atu tenki iha planu nebe diak antes atu halao projeitu ruma.

Ita hare estradas sira ne’e  barak liu mak la to’o tinan a’at ona, ita tenki iha planu ida nebe’e mak diak para halo Estrada sira ne’e ho kualidade ida nebe’e mak diak, hodi bele uja to’o tinan naruk, labele ohin halo semana oin ka semana rua a’at fila-fali ona, tanba ita uja barak liu buat ida projeitu emerjensia ne’e, ohin hadia, aban kuak ona, ida ne’e hanesan fali ita suku ropa, oinsa mak governu uja ninia politika ida para hadia Estrada sira ne’e ho kualidade nebe’e mak diak, tanba ami aprova osan iha ne’e,  hateten Deputadu Eladio.

Prezidente Komisaun E nebe’e nebe trata Asuntu Infrastrutura iha uma fukun PN, Deputadu Pedro da Costa hateten, Oras ne’e dadaun konaba kondisaun estrada sai hanesan factor  importante, tantu iha orsamentu Jeral Estadu, aloka orsamentu lubuk ida iha ne’e ba. Informasaun kompletu iha STL Jornal no STL Web, edisaun Tersa (10/9). Jasinta Sequeira

LEAVE A REPLY

Please enter your comment!
Please enter your name here