DILI- Reprezentante Povu iha uma Fukun Parlamentu Nasional (PN) husi Opozisaun Fretilin sei halo Proposta iha Debate Orsamentu Jeral Estadu (OJE) 2014 hodi redus Osan viazen ba Estranjeiru, atu hadia Povu nia moris tamba Membru Guvernu maioria gosta halo viazen ba estranjeiru kompara iha rai laran.
Tuir Deputadu Mari Alkatiri katak Fretilin sei halo proposta hodi redus orsamentu jeral Estadu tamba kapasidade Governu Atu Ejekuta Osan Menus tebes, maske tau osan bar-barak maibe laiha kapasidade atu ejekuta.
Ami sei hatama proposta nebe mak detail hodi hare orsamentu tamba ita hotu ajuda malu hodi bele hetan orsamentu nebe mak diak liu ba iha rai ida nee’e laos atu hatun governu ou hasae governu maibe hatun orsamentu atu ajuda malu nebe diak liu ba povu ida nee’e, dehan Mari Alkatiri ba Jornalista, Sesta (06/12/2013) iha uma fukun PN.
Konsensus Fretilin Tuir Mari katak, Iha 2013 Fretilin Halo konsensu tamba proposta husi Fretilin Bloku sira simu, kuandu Bolku maka lasimu nunka bele iha konsesu, Argumentasaun no proposta nebe Fretilin iha 2013 governu no Bloku simu, tan ne’e Fretilin halo konsesu.
Alkatiri hare tan mos ba iha Parte Infrastrutura kapasidade Ejekusaun mos tun ba bei-beik, komesa husi tinan 2011 to’o agora laos sae normalmente maibe realidade tun, la koalia tan ba kualidade obra nebe mak iha. Informasaun kompletu iha STL Jornal no STL Web, edisaun Tersa (10/12/2013). Timotio Gusmão