Fulan 2 Merenda Eskolar La Lao Estudante Triste

DILI-Tama ano letivu foun 2017, hahu husi fulan Janeiru too fulan Fevereiru nia laran, merenda eskolar seidauk lao iha ensinu baziku central sira hotu iha teritoriu Timor laran tomak.

Lamentasaun nee hatoo husi estudante sestu ano husi eskola bazika filial 1,2 Vila-Verde, Sarayva  Sulange  de Deus  Moniz  Guterres,  sira sente triste tebes, tanba  too agora  programa merenda eskolar nee rasik seidauk lao iha eskola, tanba nee, kada loron estudante sira ba eskola tenke lori osan para sosa netik dosi han iha eskola.

Loron-loron ami mai iha eskola, ami tenke lori ami nia osan rasik, para too iha eskola, ami bele sosa netik dosi ruma han, tanba nee, hau hanesan estudante sente triste, tanba too agora programa nee seidauk lao iha eskola, no husu ba edukasaun, sebele haree asuntu programa merenda eskolar ida nee, atu nunee ami bele han fila-fali hanesan uluk,” hatete Sarayva ba STL iha Vila-Verde Dili Kinta (02/03/2017).

Nunee mos  Direitora EBF 1,2  Vila-Verde, Adelaide de Sa Benevides  Florindo, hatete, konaba programa merenda eskolar ninia, too agora sira seidauk rona  husi  central  farol, tanba bainhira atu halao nee, sira sempre halo enkontru, maibe  estudante sira loron-loron mai  iha eskola, sira bele lori osan, para sosa buat ruma han iha eskola.

Hatan  ba preokupasaun ida nee, superintendente edukasaun Munisipiu  Dili, Virgilio  Cabral, hatete, merenda eskolar nee, hanesan ema hotu hatene katak, Ministeriu rua mak haree asuntu ida nee, depois  haree mos ba iha orsamentu jeral neebe mak agora husi diresaun hotu-hotu seidauk ezekuta hotu. Jacinta Sequeira/Guilhermina Franco

LEAVE A REPLY

Please enter your comment!
Please enter your name here

NEWS UPDATE

Xanana Fila Hikas Ona Mai TL Ho Batik

DILI, STLNEWS.co - Hafoin halao viajen ba Japaun ho Portugal, durante semana 3 hodi halao enkontru lubuk ida, no simu honorariu doctorate 2 husi...

Jornalista Iha Filipina Hetan Tiru, Suspeitu Sei Misteriu

DILI, STLNEWS.co – Jornalista ida mate hetan tiru iha Filipina loron Kuarta horiseik (08/12/2022), bazeia ba informasaun husi grupu advokasia fatin neeba. Nia mak Jesus...

Universidade Katolika TL Iha Lasu No Devosaun Boot

DILI, STLNEWS.co – Ohin governu no lider Igreja Katolika hamutuk ho Premeadu Nobel da Paz, Dr. Jose Ramos Horta halo inagurasaun abertura solene Universidade...