DILI-Fungsionariu nain rua husi Ministeriu Justisa nebe ministeriu hili hanesan idade bo’ot no idade kiik liu iha ministeriu nia laran, liu husi festa natal hamutuk 2013 hetan presente husi ministeriu nian. Nebe sira nain rua maske ho idade nebe bot no kiik maibe halao servisu ho diak.
Liu husi festa natal hamutuk ministeriu justisa nian, Ministru Justisa Deonisio Babo akompania husi Vice Ministru Ivo Valente entrega presente ba fungsionariu nain rua nebe idade boot liu iha ministeriu justisa nian mak Joao Martins nebe halao servisu iha prizaun Becora.
Nia hetan presente husi ministeriu hanesan dosi, susuben, masin midar no buat oioin kona ba loron bot nian. No fungsionario nebe idade kiik liu iha ministeriu nia laran mak Aquelina Araujo nebe servisu iha centro formasaun judisiario, nia mos hetan presente nebe hanesan.
Joao ho Aquelina, simu presente hanesan selesaun husi fungsionario nebe idade boot liu no idade nebe kiik liu. Maske ho idade nebe boot no kiik liu iha ministeriu nia laran, maibe sira nain rua halao servisu ho vontade diak.
Liu husi oportunidade nee, Aquelina Araujo hatete, hanesan fungsionario nebe hetan presente iha loron nee. Nia parte sente kontenti, maske ho idade nebe kiik maibe nia sempre halao servisu ho diak. Nebe ho presente nebe nia hetan, nia parte agradesementu ba governu liliu ministeriu ida nebe nia servisu ba. Informasaun kompletu iha STL Jornal no STL Web, edisaun Tersa (31/12/2013). Domingas Gomes