Funsionariu Publiku Uza Sasan Estadu Ba Interese Partidu no Privadu Hetan 3%

DILI – Funsiariu Publiku (FP) neebe mak durante nee uza sasan estadu nian hanesan telemovel, labtop, motorizada, kareta no osan hetan porsentu tolu (3%).

Tuir Komisaria Komisaun Funsaun Publika (KKFP), Maria Olandina Isabel Caeiro Alves hatete, Funsionariu Publiku (FP) sira neebe mak uza sasan estadu ba interese partidariu no privadu, nee porvolta porsentu rua ou tolu (2% ou 3%).

Agora nee laos persentajen neebe boot, agora nee persentajen sei kiik porvolta 2% ou 3%, iha 2012 persentajen boot tanba iha altura neeba, eleisaun primeiru mandatu nian. Agora ba fali tinan oin hau hanoin persentajen boot,” dehan Maria ba STL iha nia knar fatin, Caicoli-Dili, Tersa (28/09/2016).

Maria haktuir, tuir lolos sasan estadu uza hodi halao servisu estadu nian, hodi servi povu laos uza sasan estadu ba interese partidarius no interese privadu sira ida nee labele no ida nee sala. Olandina argumenta, FP neebe mak uza sasan estadu nee laos funsionariu kiik, maibe kargu Dirasaun Xefia tanba sira neebe kaer kargu Dirasaun Xefia mak iha fasilidade barak liu.

Iha fatihn ketak, Deputada Bankada CNRT, Albina Marçal Freitas dehan, KFP halao sira nia knar bazeia ba sira nia estatutu rasik i sira (PN) mos rona katak foin lalais iha fulan hirak liu ba relatoriu husi KPF, konaba sira nia atividade neebe mak durante nee sira halo. Informasaun kompletu iha STL Jornal no STL Web, edisaun Kuarta (28/9/2016). Raimundo S. Fraga

 

LEAVE A REPLY

Please enter your comment!
Please enter your name here