DILI- Relatoriu fiskalijasaun Komisaun D Parlamentu Nasional (PN), Nebe halao iha Distritu Manatuto, Baucau, Bobonaro no Oe-Cusse husu Kintu governu Konstitusional liu-liu Ministeriu Agrikultura Peskas (MAP) presiza muda sistema atu garante servisu nebe Efikas no Efisensia.
Liu husi Plenaria iha uma fukun PN, Deputadu Felisberto Monteiro Le’e sai relatoriu husi fiskalijasaun komisaun D PN Asuntu ekonomia no Dezemvolvimentu, husu governu atu muda sisteme manutensaun traktor nebe mak sentralija ba desentraliza.
Governu tenki muda sisteme manutensaun traktor nebe mak sentralija ba desentraliza atu garantia servisu nebe mak Efikas no Efisensia, dehan Deputadu Felisberto Monteiro liu husi Plenaria Segunda (06/01/2014) iha Uma Fukun PN.
Iha fatin hanesan Deputadu Bankada PD Virgilio Hornai katak Supervijaun iha terenu liu-liu tekniku sira menus teb-tebes, tan ne’e sei lori mos efeitu ba kualidade tamba ministeriu nebe laiha rekursu bele indika rejultadu kualidade nebe ladiak. Informasaun kompletu iha STL Jornal no STL Web, edisaun Tersa (7/1/2014). Timotio Gusmão