Gardamor Fo Kampu Servisu 3000

DILI – Empreja Gardamor nia prezensa iha Timor Leste (TL), kria duni kampu servisu ba Timor oan hamutuk ema nain 2700 hanesan funsionariu  halao atividade  iha Munisipiu 13.

Tuir Diretor Empreja Gardamor, Eduardo Belo Soares hatete, iha funsionariu temporariu ema nain 700 loron-loron mai iha ofis, neebe konta hamutuk funsionariu permanente maka kuaze ema nain 3000 resin.

Ami kria kampu servisu ba ema nain 3000 resin bele kontribui redus numeru dezempregu iha rai laran,’’dehan Eduardo ba Jornalista Sesta (10/03/2017) iha Edefisiu CCI-TL Akait.

Nia hatete, salariu neebe Gardamor fo ba traballador sira, minimu  tuir lei trabalho estandar U$115 kada fulan, maibe rekrutamentu  depende ba merkadu, dala ruma  loron- loron dala ruma too fulan ida rua.

Empreja siguransa dependente, buka rasik osan hodi selu funsionariu sira, maibe iha funsionariu gardamor balun involve feto liu husi postu balun, fatin eskritoriu sira, maibe ba munisipiu la involve feto tanba kondisaun la permiti ba feto atu halo atividade iha neba.

Nia hatete, ema estranjeriu harii empreja siguransa, sira lakonkorda maibe tuir lolos Timor oan iha direitu bele harii empreja siguransa iha rai laran, maibe governu fo konfiansa ba ema estranjeriu investe iha setor siguransa, lamenta tebes.

Ami husu ba Ministeriu Comersiu Industria e Ambiente (MCIA) tenke fo licensia  hare didiak maka fo licensia atu fo benefisiu ba Timor oan sira,’’dehan Nia.

Iha parte Seluk  Deputada Brigida Correia membru Komisaun D hatete, dezempregu aas tanba kampu servisu menus, neebe politika governu  liu husi SEPFOPE haruka trabalho Timor oan ba servisu iha Korea no Australia hodi redus numeru dezempregu iha rai laran, alende nee mos Governu Aloka Orsamentu ba fundus infra-estrutura  ba projetu sira iha rai laran kria kampu servisu ba Timor oan.

Hau hanoin setor privadu balun investe iha setor oin –oin hodi kria kampu servisu ba Timor oan sira atu redus numeru dezempregu iha rai laran,’’dehan Nia.

Nia hatete, Governu aloka orsamentu dezenvolve nasaun no fo oportunidade ba povu kiik  sira hetan servisu, laos governu fahe osan ba povu sira, kria investimentu oinsa loke kampu servisu ba Timor oan, liu husi investimentu setor Infra-estrutura. Alende mos  Governu fo sub-sidiu ba veteranus, no bolsu da mae, osan ferik katuas, oinsa ajuda hadia sira ekonomia moris uma laran,  bele redus kiak no mukit iha TL.

Nunee mos Reprezentante povu iha uma Fukun Parlamentu Nasional Deputadu Manuel Salsinha Bankada CNRT hatete, kesaun dezempregu, ida nee asuntu nasional laos governu mesak atu rezolve maibe Timor oan hotu nia kontribuisaun importante ba setor privadu sira tenke halo investimentu, kria kampu servisu ba joven sira, hanoin empreja Gardamor kria kampu servisu barak Timor oan, bele kontribui redus numeru dezempregu iha rai laran nee. Josefa dos Santos

 

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...