Gasta Osan Boot Ba Elektridade

DILI- Governu gasta orsamentu boot ba elektridade kuaze biliaun U$1 resin ba Central Elektridade Betano no Hera, maibe reseitas sei kiik tebes tanba komunidade balun seidauk kontribui selu taxa ba estadu.

Prezidente Komisaun E Deputadu Pedro dos Martires da Costa hatete, investimentu governu ba elektridade boot tebes ba mediu no longu prazu  hakarak povu hotu  liu-liu area rurais tenke hetan energia elektridade  neebe programadu, tanba nee gasta osan boot hodi sosa kontador monta ba uma kain sira nee, para iha lina elektridade.

Agora reseitas kiik, tanba komunidade balun seidauk kontribui selu enerjia, iha Cidade Dili laran deit maka iha kontador, maibe iha area rurais seidauk, barak liu sei uza energia elektridade gratuita,“ dehan Pedro ba STL, Segunda (06/03/2017) iha knar fatin PN.

Nia hatete, populasaun barak seidauk kontribui selu elektridade tanba sira seidauk hetan prepago entaun sira balun uza gratuita illegal hela, neebe presiza governu liu husi Ministeriu Obras Publiku Transporte Komunikasaun (MOPTK) tenke halo planu diak, monta kontador ba uma kain sira hotu, nunee komunidade sira kontribui selu reseitas elektridade ba estadu.

Kada tinan reseitas elektridade kuaze miliaun U$20 resin, ida nee minimu tebes, tanba komunidade barak sei uza elektridade gratuita, aban bainrua governu esforsu monta hotu kontador ba uma kain hotu, entaun sira  tenke  kontribui  selu ba estadu, espera katak, futuru hetan reseitas boot, bele  apoiu despesa elektridade nian hanesan manutensaun ba makina, operasaun ba mina.

Iha fatin hanesan Deputada Brigida Correia membru komisaun D hatete, Investimentu orsamentu ba elektridade boot, maibe reseitas sei kiik tanba povu balun seidauk  kontribui selu reseitas, balun uza energia elektridade gratuita.

Ita mos tenke hare kondisaun povu  kiik sira, tanba  povu balun  laiha kbit  atu selu reseitas,  tanba nee governu sei fo toleransia ba povu kbit laek,  sira uza gratuita, para labele fo todan ba povu kiik sira nian moris,’’dehan Nia.

Nia hatete, aban bain rua, povu kiik sira nia ekonomia lao diak ona maka governu esforsu  monta prepago ba uma kain hotu,  atu nunee  sira tenke kontribui selu taxa ba estadu,

Nunee mos Peskizador Lao Hamutuk Juvinal Dias hatete, TL sei depende ba Reseitas minarai no gas tanba reseitas domestika kiik, hare tinan –tinan  gasta osan minarai ba OJE investe ba setor elektridade boot maibe retornu sei kiik tebes. Josefa dos Santos

 

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...