DILI- Planu Implementasaun ba Uma MDGs ba povu vuneravel, nebe gasta ona ho orsamentu kuaze rihun 53 iha Timor laran tomak, maibe implementasaun ba programa ne’e maioria uma laiha kualidade.
Tuir Deputada Josefa Perreira katak tinan 2014 governu tenki tetu didiak kona ba projeitu implementasaun MDGs, tamba to’o oras ne’e uma MDGs laiha ida maka kualidade diak, balun udan foun tu’un, be’e tama too uma laran.
Hau lahatene loos kompania ida nebe mak implementa Uma MDGs tutu didiak ou lae, deputadu sira sempre hakilar bei-beik kualidade projeitu maibe governu lafoti medida nebe mak implementa projeitu nee’e maibe fo tan projeitu nafatin maske laiha kualidade, dehan deputada Josefa perreira liu husi plenaria, Segunda (16/12/2013) iha uma fukun PN.
Nune mos Deputadu Inacio Moreira husu atu hapara Implementasaun projeitu uma MGDs no halo plotika foun, tamba uma nebe mak iha halo besik malu no haruka Povu vuneravel sira atu tein hamutuk no tuir informasaun nebe iha dapur udan sobu ona. Informasaun kompletu iha STL Jornal no STL Web, edisaun Tersa (17/12). Timotio Gusmao