DILI-Reprezentante Povu iha Uma Fukun Parlamentu Nasional (PN) husi Bankada Opozisaun Fretilin no Bankada CNRT hakilar no tuku meja ba malu, tamba deit lia fuan Governu Bloku Koligasaun Dezorganizadu no laiha planu durante ukun.
Iha Sesaun Plenaria Tersa (01/10/2013), Reprezentante Povu husi Bankada Opozisaun no CNRT hakilar malu no tuku meja ba malu, tan deit liafuan Governu Blou Kintu Governu Konstitusional laiha planu no Governasaun ne’e desorganizasaun, tamba implementasaun projeitu nebe mak iha barak laiha kualidade.
Realsiona ho liafuan desorganizadu no governu laiha planu, Deputadu Bankada CNRT Domingas da Silva “Bilou Mali” rezeita liafuan desorganizadu no laiha planu ba governu bloku Koligasaun nebe Lidera husi Primeiru Ministru Kay Rala Xanana Gusmão.
Governu Sekarik Desorden ita iha orgaun soberania Parlamentu Ida ne’e lamai tur hanesan ne’e, dala ruma ita tauk, propriu hau tauk nebe hau lamai tur iha parlamentu, tan ne’e hau hanoin desorden laiha, dehan Deputada Bilou Mali.
Rajaun governu laos dez-orden tuir Bilou Mali katak governu iha planu tamba Kay Rala Xanana Gusmao nebe kaer kargu hanesan Primeiru Ministru iha Kuatru governu konstitusional nomos iha Kintu Governu Konstitusional, iha planu no programa hodi ezekuta. Informasaun kompletu iha STL Jornal no STL Web, edisaun Kuarta (2/10). Timotio Gusmao