DILI-Governu la ezekuta Orsamentu Jeral do Esatadu (OJE) 2013 ho diak, bankada Opozisaun FRETILIN iha uma fukun Parlamentu Nasional (PN) konkorda ho deklarasaun Primeiru Ministru (PM) Xanana Gusmão atu redus OJE 2014.
Kestaun ne’e hato’o husi deputada bankada Fretilin Josefa Pereira katak sira konkorda ho deklarasaun Xefi Governu atu redus OJE 2014, tamba iha OJE 2012 nebe hamutuk Um Biliaun resin ne’e mos ezekuta duni, maibe sira la hare nia rezultadu.
Se PM Xanana atu redus fali OJE 2014 ami konkorda katak, atu hatun, 2012 mos foin mak hato’o relatoriu ne’e fisiku ne’e mai to’o iha semester ke 6,nebe’e ami konkorda,tanba ami hakarak ekonomija. OJE 2012 hamutuk Um Biliaun pontu sete ida ne’e mos ezekuta duni, maibe ninia rezultadu iha nebe’e,ita la hare rezultadu ida nebe’e ke dura ba iha tempu naruk husi OJE nebe’e aprova iha 2012 ninia, entaun 2013 mai husu tan, aumenta tan fali um biliaun,maibe ezekuta terinta pursentu deit,ne’e labele, hateten Deputada Josefa ba STL, iha uma fukun PN Kinta (19/09).
Deputadu bankada PD Paulino Monteiro hateten, Orsamentu Jeral do Estadu tinan ne’e, iha redusaun bo’ot, tanba ezekusaun orsamentu ne’e la hotu, hare husi ezekusaun ne’e la hotu, tinan ida ikus mai tenki redus, tanba osan tinan kotuk la uja hotu, ne’e normalmente hanesan. Informasaun kompletu iha STL Jornal no STL Web, edisaun Sesta (20/9). Jasinta Sequeira