Governu Gasta Osan Rihun 700 Ba Tour De Timor Ho Dili Maratona

DILI – Governu Timor Leste liu husi Sekretariu Estadu Joventude no Desportu (SEJD) sei gasta orsamentu estadu hamutuk rihun 700 dolar Amerikanu, ba eventu Tour de Timor nomos Dili Maratona.

Informasaun nee fo sai husi Sekretariu Estadu Joventude no Desportu, Leovigildo Hornay, ba jornalista sira iha Palacio Governu, hafoin remata halo enkontru ho Primeiru Ministru (PM), Rui Maria de Araujo, Sigunda (09/05/2016).

Orsamentu neebe mak ita nian hodi preve ba eventu Tour de Timor ho Dili Maratona nee Rihun 700 dolar Amerikanu, ita sei halo ejersisiu hela depois hatu hare eventu nee tanba persija tan kustu ituan no eventu nee sei organija husu komisaun MISTA neebe mak mai husi federasaun 2 mak hanesan Siklismu no Atletismu no sei ajuda tan husi Timor oan balu,” hatete Leovigildo.

Nia hatutan aktividade Tour de Timor no Dili Maratona nee SEJD sei kria mos koperasaun diak ho Ministeriu Saude, Siguransa no seluk tan no eventu nee si hahu iha Setembru tinan nee.

Iha fatin hanesan, Afonso de Andrade, mos hatete katak liu husi eventu rua nee hanesan mekanismu ida atu promove mos Timor Leste ba mundu tomak atu nunee bele atria turista sira mai vijita Timor Leste. Informasaun kompletu iha STL Jornal no STL Web, edisaun Tersa (10/5/2016). Thomas Sanches

LEAVE A REPLY

Please enter your comment!
Please enter your name here