DILI– Governu la bele defende koruptor, tamba hahalok ne’e hamate povu no estraga imazen Timor Leste iha mundu.
Kestaun ne’e hato’o husi observador Politika Fernando Gomes katak governu tenki suporta servisu Komisaun Anti Korrupsaun (KAK), hodi investiga membru governu inklui diretur sira nebe komete iha krime korrupsaun.
Neduni ami husu ba Governu, tenki suporta servisu KAK, atu nune halo invistigasaun ba Membru Governu no Diretur sira, nebee naok osan povu nian, hodi lori ba tribunal, para prosesa tuir lei, dehan Fernando ba STL iha Kampus UNTL, Caicoli Dili, Segunda (18/02/2014).
Iha parte seluk Etalvino Nunes nudar estudante UNTL, hateten povu iha TL barak maka sei kiak no mukit, maibee ukun nain sira kontinua hariku sira nia aan ho osan estadu nia. Informasaun kompletu iha STL Jornal no STL Web, edisaun Kuarta (19/02/2014). Joao Anibal