DILI- Governu Timor Leste liu husi Ministeriu Jusitsa lamete Prosesu Justisa ba krime Justisa nebe Akontese rai laran, tamba Timor Leste iha ona lei nebe parte Institusaun Justisa halo Ministeriu Publiku no Tribunais nebe Ejisti iha Nasaun Timor Leste.
Informasaun ne’e fo sai husi Ministru Jusitsa Dionisio Babo katak sidadaun nebe mak komete krime publiku lei iha tiha ona hanesan lei penal, krime publiku mak hanesan oho ema, naok ema nia sasan, soke ema iha dalan baku ema no seluk tan.
Ami lamete ou nunka mete asaun krime publiku tamba nee’e servisu policia ninian atu ba kaer ema ou autor hodi halo prosesu no lori ba Ministeriu publiku ho tribunal bazea ba krime nebe mak akontese, dehan Ministeru Justisa Dionisio Babo ba Jornalista Segunda (30/09/2013) iha Edifisiu Terras Propriedade Bebora.
Iha parte seluk Prezidenti Conselhu Nasional Joventude Timor Leste (CNJTL), Leovigildo Hornai katak Timor oan hotu iha papel atu minimiza asaun kriminal sira nebe akontese iha nasaun Timor Leste, Nudar Conselhu Joventude, apela nafatin ba Joven sira iha Timor atu sira husik hahalok violensia no krimi sira ho motive oi-oin. Informasaun kompletu iha STL Jornal no STL web, edisaun Tersa (1/10). Timotio Gusmão