DILI – Prosesu Negosiasaun Timor Leste atu sai membru ASEAN, oras ne’e lao diak tebes no Governu Malaysia mos hakarak tebes Timor Leste (TL) atu tama hodi sai lalais membru ASEAN hamutuk ho nasaun sira seluk.
Informasaun ne’e hato’o hosi Ministru Negosiu Estrajeiru (MNE), Jose Luis Guteres, ba STL iha uma fukun Parlamentu Nasional (PN), wainhira akompanha debate Orsamentu Jeral Estadu nian iha tinan ida ne’e.
Prosesu ita atu tama ASEAN ne’e lao namanas hela nia prosesu mos kapas tebes no hau fiar katak iha tinan ida ne’e sei iha reuniaun ida iha Miamar no TL sei sai asuntu ida ne’ebe importante tanba foin lalais ne’e mos hau kolia ona ho Minstru Negosio Estranjeiro Malaysia nian no nia hakarak teb-tebes esforsu TL tama lalais ASEAN, hatete Jose Luis Guteres.
Ministru Negosio Estranjeiru Timor Leste ne’e mos hatutan tan katak nia rasik seidauk hatene lolos bainhira mak TL atu tama hodi sai hanesan membru ASEAN, maibe nia fiar katak atu lais ou kleur, loron ida TL sei sai hanesan membru ASEAN hamutuk ho nasaun seluk. Informasaun kompletu iha STL Jornal no STL Web, edisaun Sesta (10/1/2014). Thomas Sanches
