DILI- V Governu Konstitusional seidauk gasta osan adisional ba feira, neduni tenki liu husi prosesu apredezasen, tamba Primeiru Ministru Xanana Gusmao nudar Xefi ba sira, ba tinan ida nee sei halo automatizasaun obrigatoria sistema.
“Tamba sira seidauk gasta hotu osan adisional ba feira, nee hotu liu husi prosesu de apredizasen, hau rekuinese ida nee husi hau nia Governu, tamba hau maka sira nia Xefi, tamba nee tinan ida nee ami sei halo automatizasaun obrigatoria sistema, atu responde ba Deputadus sira nia perokupasaun, PM mos konkorda, sira mos tenki fo’o kalendariu ida, tenki funsiaona to’o 2014 para sira bo’ok,” hateten PM Xanana, liu husi nia deskursu, iha PN wainhira partisipa iha debate no aprova lei Camara de Contas, Tersa (02/07/2013).
Nia hatutan dalaruma sira la kumprende sistema, neduni tau kulpa ba sistema, sira hare ba intranet, buat nee lao ho diak, para hotu-hotu hatene, tamba uluk sira semana-semana agora nee semana rua dala ida.
Iha fatin hanesan Deputadu Bankada Fretilin Inacio Moreira hateten sira preokupa tebes ho sistema Governu, tamba halao programa ruma lao kleur demais, tamba ne’e sira husu atu hadia sistema sira ne’e. Informasaun kompletu iha STL Jornal no STL Web, edisaun Kuarta (3/7). Joao Anibal