Governu Tenke Kontrola Peskas Rai Laran

DILI – Governu tenke halo kontrola ba peskas iha rai laran, tanba iha roo 15 neebe maka tama ona mai Timor Leste hodi halo peskas iha rai laran, no ikan neebe peskador sira kaer nee kada tonelada ida  ho presu 150 dolar deit, ida nee la fo resetas ba Nasaun.

Preokupasaun nee fo sai husi Reprezentante povu iha uma fukun Parlamentu Nasional, Deputadu Natalino dos Santos, liu husi sesaun Plenaria Segunda (20/02/2017) iha PN.

Hau hanoin governu tenke hare didiak bain hira atu halo kontratu ho kompania ruma, tanba ikan hanesan rekursu ida neebe atu fo resetas ba estadu tanba, ikan tonelada ida ho presu U$ 150 dolar deit no governu rasik la tau ema atu halo kontrola tanba nee, ita rasik la hatene loron ida kompania nee foti ikan tonelada hira no fulan ida tonelada hira,” dehan Deputadu Natalino liu husi sesaun Plenaria.

Nia mos informa liu tan katak, ikan hanesan rekursu ida neebe atu fo resetas ba estadu, karik tonelada ida maka ho presu U$ 150 dolar deit maka,  Governu hariku deit kompania, tanba nee sujestaun PN nian maka governu tenke hare didiak, no tau mos Timor oan hodi kontrola.

Iha fatin hanesan Deputadu Antonino Bianco mos hatutan katak, atu kontrola didiak Riku soin iha tasi laran, liu liu ikan maka, Governu tenke define lolos ikan saida maka kompania sira nee bele kaer no tau mos Timor oan balun iha neeba hodi kontrola. Madalena Horta

LEAVE A REPLY

Please enter your comment!
Please enter your name here

NEWS UPDATE

Kandidata An Ba PR, Labele Sai Opozisaun Ba Instituisaun Estadu

DILI, STLNEWS.co – Jurista Timoroan husu ba sidadaun se deit maka atu kanidata an ba Prezidente Republika, tenke hatene funsaun PR nian. Tuir Jurista Sergio...

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...