Governu Tenke Rekolia Didiak Resetas Eletrisidade

DILI-Governu tenke rekolia didiak resetas husi eletrisidade, tanba kada tinan aloka osan boot hodi sosa mina ba sentral eletrika rua hanesan Betanu no Hera.

Tuir Reprezentante povu iha uma fukun Parlamentu Nasional, Deputadu Francisco Branco katak, Governu tenke rekolia didiak resetas husi eletrisidade tanba, kada tinan aloka osan boot hodi sosa mina ba sentral eletrika.

Ita hare ba gastus hodi sosa mina konbustivel nee boot tebes maibe hare fali ba resetas nee kiik tebes tan nee governu tenke buka alternativu seluk liu liu rekolia resatas husi baze atu nunee redus dependensia ba osan mina no gas nian,” dehan Deputadu Branco ba STL, Segunda (13/03/2017) iha nia knar fatin PN.

Nia mos informa liu tan katak, governu seidauk seriu atu rekolia resetas husi baze tanba nee maka resetas domestika atu selu deit funsionariu sira la too, no tenke foti osan boot husi fundu mina rai nian, no hare ba resetas husi fundu mina rai hahu mihis, maibe governu seidauk seriu atu rekolia resetas.

Iha fatin hanesan Deputadu Pedro da Costa katak, resetas husi eletrisidade kiik nee tanba, konsumedor sira neebe ulitiliza ahi nee barak maka laiha konsensia, tanba ema husi EDTL tau tiha ona pripagu atu ense pulsa maibe sira bolu ema ba monta illegal fali, buat sira nee hotu la kontribui ba resetas estadu.

Hatan ba preokupasaun nee ,Vice Ministru Obras Publiku Januario Pereira hateten, problema nee los duni  returnu finanseriu sei dauk  fila no  iha tinan 2016 gastu ba sentral eletrisidade nee kuaze U$ 56,60 Milaun, nno resetas neebe tama nee hamotuk  U$ 28 Milaun. Madalena Horta/ Augusto da Costa

 

LEAVE A REPLY

Please enter your comment!
Please enter your name here

NEWS UPDATE

Jornalista Iha Filipina Hetan Tiru, Suspeitu Sei Misteriu

DILI, STLNEWS.co – Jornalista ida mate hetan tiru iha Filipina loron Kuarta horiseik (08/12/2022), bazeia ba informasaun husi grupu advokasia fatin neeba. Nia mak Jesus...

Universidade Katolika TL Iha Lasu No Devosaun Boot

DILI, STLNEWS.co – Ohin governu no lider Igreja Katolika hamutuk ho Premeadu Nobel da Paz, Dr. Jose Ramos Horta halo inagurasaun abertura solene Universidade...

Mota Hafahe Estrada Terminal Tasi Tolu Ho Sidade Dili

DILI, STLNEWS.co - Oras nee dadaun estrada iha terminal Tasi Tolu nakfila ona ba mota, hodi hafahe ona Tasi Tolu ho sidade Dili. Tuir observasaun...