DILI – Planu Governu Timor Leste atu sosa kareta luxu ho modelu BMW, la konsege maibe Governu konsege sosa kareta ho modelu Camri 30 resin hodi perpara atu tula bainaka CPLP.
Tuir Sekretariu Jeral Ministerio Negosio Estranjeiru no Coperasaun (MNEC), Fransisco Cepeda, ba STL iha ninia servisu fatin Sigunda (14/07) hatete kareta sira ne’e oras ne’e iha ona edifisiu Finansas, maibe laos marka BMW.
Kareta sira ne’e iha ona edifisiu Ministeriu Finansas tanba hosi parte Ministeriu Finasas mak ba sosa tuir hau rona laos BMW maibe marka CAMRI no kareta sira ne’e laos aluga maibe sosa kotu tanba se aluga entaun karun liu fali ita sosa, kareta sira ne’e sosa hosi Indonesia hotu, hatete Cepeda.
Nia hatutan kareta ho marka BMW MNE iha hamutuk 5 tanba ne’e sei impresta tan ida hosi Prezidente republika nomos Prezidente Parlamentu hodi tau hamtuk, atu tula bainaka importante sira haensa Xefe Estadu no Xefe Governu sira.
Iha fatin ketak tuir Diretora Patrimoniu Estadu husi Ministeriu Finansas, Evangelina Guterres, hatete kareta sira ne’e oras ne’e para hela iha Ministriu Finansas no kareta hamutuk 37 governu hasai osan total Miliaun $10 dolar Americanu. Informasaun kompletu iha STL Jornal no STL Web, edisaun Tersa (15/07/2014). Thomas Sanches
