Governu TL Seidauk Simu Nota Ofisial Vistu Livre, Salele ho Batugade Livre Vistu

DILI- Governu Timor Leste (TL), seidauk simu nota ofisial husi Indonesia konaba vistu livre iha fronteira terestre, maibe Governu Indonesia iha kebijakan no boa vontade fasilita populasaun sira husi husi Salele no Batugade hodi asesu ba Atambua ho vistu livre dursaun fulan ida.
Lia hirak nee hatoo husi Vice Ministru Negosiu Estranjeiru e Koopersaun (MNEK) Roberto Soares, ba STL hafoin remata enkontru ho Komisaun Nasional Assembleia Parlamentar CPLP, iha Parlamentu Nasional (PN), Kuarta (30/03/2016).

Husi Ministeriu Negosiu Estrajeiru e Koopersaun seidauk simu nota ofisial, emrelasaun ba vistu livre iha frontira terestre, agora iha kebijakan ka ita bele dehan boa vontade diak mai husi parte Indonesia nia, neebe TL simu husi Embaixada Indonesia maka sira faselita ita nia populasaun sira neebe maka hela iha Salele no Batugade hodi asesu ba Atanbua ho vistu livere maibe ho data neebe limiti, husi dia 23 marsu too 23 fulan april ida nee, pratikamente ida nee maka kebijakan neebe indonesia fo, atu responde deit ba nesesidades hodi halo interasaun masimu liu ba ita nia povu sira iha fornteira, maibe ida nee la inklui Oecusse no distritu sira seluk,” hateten Roberto.

Vice MNEK Roberto nee hatutan TL seidauk simu nota ofisial ruma husi parte Indonesia, nia hanion partenente tebe-tebes, diak liu atu fasilita TL nia legalidade atu tama nasaun ida neebe deit liu husi prosedementu legal.

Iha parte seluk Deputadu Bankada Fretilin Fransisco Miranda Branco hateten vistu livre neebe governu Indonesia faselita ba populasaun Salele ho Batugade nee diak. Informasaun kompletu iha STL Jornal no STL Web, edisaun Kinta (31/3/2016). Joao Anibal

LEAVE A REPLY

Please enter your comment!
Please enter your name here