DILI-Aliansa Mudansa ba Progresu AMP, neebe lidera husi Primeiru Ministru Taur Matan Ruak, labele lao too tinan lima nia laran, tanba orsamentu la pasa iha parlamentu Nasional, problema nee akontese tanba hadau malu pozisaun, tan nee koligasaun la dura too tinan 5.
Liu husi intervista Diretur ezekutivu HAK, Manuel Monteiru hatete, Koligasaun AMP hodi forma governu dala ualu labele lao too tinan lima nia laran, tanba orsamentu la pasa iha Parlamentu Nasional, problema nee akontese, tan deit hadau malu pozisaun, tanba nee koligasaun AMP labele dura too tinan 5. Tanba koligasaun neebe AMP halo nee, atu fahe deit kadeira no poder ba malu, laos koligasaun ba programa hodi hadia povu nia moris.
Ita haree koligasaun AMP, laos tanba programa e laos tanba vizaun politik atu dezenvolve nasaun, maibe tanba atu fahe kadeira no poder ba malu, tanba nee maka koligasaun AMP labele lao too tinan lima. Tanba koligasaun laos atu dezenvolve povu no nasaun, maibe koligasaun atu fahe kadeira no poder ba malu, tan nee koligasaun ladura too tinan 5, dehan Diretur Hak Maluel Monteiro ba STL, Kuarta (22/01/2020) iha nia knaar fatin Farol.
Nia mos afirma liu tan katak, pozisaun Sosiedade Sivil sira nian maka, lakohi atu fila ba elisaun Antesipada(EA) tanba EA sei gasta osan barak, no povu mos kolen ona atu ba fo sira votus, realidade maka iha tinan 2017, fila ba EA maibe povu la fo konfiansa ba Partidu ida atu kaer ukun mesak, tanba nee koligasaun laos tanba programa, laos tanba vizaun politik neebe hanesan, maibe koligasaun tanba ati fahe kadeira no poder ba malu, tanba nee kkoligasaun la dura no lametin hanesan realidade neebe akontese dadauk nee.
Ita haree fahe kadeira no poder ida nee hanesan odiu no Vigansa ba malu, tanba nee ida mai dehan imi fo kadeira ba malu deit ami la hetan, tanba nee koligasaun mai ho hanoin ida vizaun ida no idioligi hanesan maka, sira la preokupa kadeira no poder, maibe sira preokupa deit, oinsa lori vizaun politik neebe diak ba povu, tanba nee diferente nee hanoin nee iha nee, dehan nia.
Tuir nia katak, iha parte ida lider sira laiha vontade neebe diak atu dezenvolve nasaun ida nee, tanba nee durante tinan hirak nia laran, impase politik mosu no afeita ba povu kiik nia moris, maibe lider Xanana, Taur, Lu Olo, Mari, Ramos no sira seluk lakohi buka malu hodi solusi problema rai laran.
Iha parte seluk Diretur Ezekutivu Luta Hamutuk Jose Alves hatutan goverbu AMP neebe lidera husi Primeiru Ministru Taur Matan Ruak nee, monu tanba orsamentu la pasa iha Parlamentu, tanba nee AMP hamrik atu kaer governu hodi halo jestaun ba rekursu estadu nian, hodi servi povu no nasaun, maibe AMP lao tinan rua deit monu iha dalan klaran.
Hau hanoin laiha ema seluk atu hamonu AMP, maibe sira rasik maka hamonu sira nia governu, nee indikador ida katak, ita nia partidu politik sira laiha kometmentu no vontade neebe diak hari povu no nasaun ida nee ho diak, ita haree momos ita maka harii governu no fila ita maka kontra fali sem razaun, dehan Diretur Luta Hamutuk.
Nia mos afirma liu tan katak, kompetensia Prezidente da Republika atu foti solusaun ba problema nee, no osamentu neebe la pasa implikasaun boot ba ekonomia rai laran.
Tuir nia katak, karik la ba EA maka sei iha opsaun barak, ida maka kopleta membru governu nain 9 no lori fila oje ba PN, seluk maka Governu Unidade Nasional no opsaun ida maka bele fob a segundu mais votadu, maibe seidauk lori fila oje ba Parlamentu, Primeiru Ministru deklara ona katak, AMP laiha ona, lolos nee labele tanba sei iha opsaun barak.
Nunee mos Reitor IOB Augosto da Conceisao hatutan, liga ho orsamentu neebe la pasa iha parlamentu nasional, hanesan akademiku la konrda atu ba EA, tanba nee Prezidente da Republikua hanesan orgaun masimu iha nasaun ida nee, nia sei tetu no analiza desizaun saida maka nia atu foti.
Ami la konkorda atu fila ba EA, tanba EA gasta osan barak, no ita la garantia katak partidu ida atu manan maioria, tanba nee diak liu maka Governu unidade nasional, atu nunee bele halakon impase politik iha rai laran, tanba ita ba EA laiha partidu ida manan maioria no ikus mai maka, koligasaun, tan nee diak liu ukun hamutuk,dehan nia. Madalena Horta/Jacinta Siquera