DILI- Iha proposta Orsamentu Jeral Estadu (OJE) 2014, Kintu governu Konstitusiuonal nebe Lidera husi Primeiru Ministru (PM) Kay Rala Xanana Gusmão Propoin Orsamentu Milloens 106 resin ba iha Ministeriu Edukasaun (ME) atu hadia Kualidade Eskola iha Timor Leste.
Bazea ba proposta nebe mak Aprezenta husi Primeiru Ministru Kay Rala Xanana Gusmão iha uma Fukun Parlamentu Nasional katak, Orsamentu Jeral Estado 2013 Milloens 92 maibe Iha tinan 2014 Aumenta ba Milloens 106.6 ba Ministeriu Edukasaun, hodi hadia kualidade seitor edukasaun.
Orsamentu ME hetan 15% husi OJE hodi atende ba nesesidade ministeriu Edukasaun nian iha 2014 liu-liu hakbesik edukativu ba labarik no joven sira, dehan Primeiru Ministru Kay Rala Xanana Gusmao iha Uma Fukun Parlamentu Nasional, foin lalais ne’e.
Nia esplika tan katak orsamentu ne’e sei garante konstruksaun pre-eskolar foun hamutuk 100, rehabilitasaun eskola sentrais 50 iha ensinu baziku ho konstruksaun eskola ho modelu 4 foun ba ensinu sekundariu jeral.
Iha fatin hanesan Minsitru Edukasaun Bendito Freitas hatete, iha 2014 sei hadia kualidade edukasaun husi promove dezemvolvimentu edukasaun basiku to’o, ensinu superior iha Timor Leste laran tomak. Informasaun kompletu iha STL Jornal no STL Web, edisaun Sesta (17/1/2014). Timotio Gusmão