DILI, STLNEWS.co – Asosiasaun HAK realiza seminar ho tema optimaliza Kbiit Lideransa, Psikosisial ho komunikasaun efetivu ba Guarda Prizional haree husi Oklu Direitu Humanus iha Prizaun Gleno no Bekora.
Tuir Diretor HAK, Feliciano da Costa katak, seminar ida nee importante, tanba dala barak koalia konaba formasaum efetivu nee esensial i prinsipal tebes ba iha lideransa ida, tanba Guarda prizioneiru sira dala barak hasoru ema neebe varidade i mai ho karakter oin-oin, tanba nee atu garante katak sira nia komunikasaun neebe diak ba malu, oinsa atu komunika ho prizioneru sira, muda sira nia aan bainhira sira livre ona husi prizaun.
“Ami konvida maluk sira husi guarda prizioneiru sira mai partisipa iha seminar ida nee, atu fornese formasaun ruma ba sira, sai lideransa prizaun karik, tenki halo komunikasaun diak ho prizioneru sira, tanba guarda prizinal sira nee hasoru ema sira neebe varidade tebes mai ho karakter oin-oin, oinsa atu garante komunikasaun neebe diak ba malu,” kestaun nee fo sai husi Diretor HAK Feliciano da Costa ba jornalista Sesta nee (14/04/2023) iha JL Vila.
Nia katak, maluk sira neebe iha prizaun sira nee idakidak ho nia karakter oin-oin, no atu garante lideransa neebe diak hodi servi iha prizaun ida, oinsa atu halo komunikasaun neebe diak ho prizioneiru sira, no ema sira neebe kumpri iha prizaun ona nee, oinsa bele hadia sira nia hahalok, bain hira fila fali mai iha sosiedade tenke kontribui iha sosiedade nia leet. Tanba nee HAK hakarak fornese formasaun ba Guarda priziaun sira, oinsa bele eleva sira nia konesementu no kapasidade hodi asegura no fo asistensia ba prizioneru sira iha prizaun.
Iha fatin hanesan, Xefi Departementu Estudu e Formasaun iha Ministeriu Justisa, Augosto H. Dos Reis husu ba maluk sira neebe serviau iha Prizaun atu fo atendimentu neebe diak ba prizioneru sira.
“Hau husu ba maluk sira atu fo atendimentu neebe diak, dala ruma ita hasai liafuan neebe ladun diak ba sira, tanba nee liu husi materi ida ohin atu fo hanoin ba ita katak, bain hira sai lideransa iha Prizaun, oinsa bele halo komunikasaun neebe diak ho prizoneiru sira,”dehan nia.
(mad)
