Hakotu Quintino Nia Vida, Antonio Ameasa Kadeia Tinan 15

DILI-Ministeriu Publiku (MP) ameasa arguidu Antonio Gil Miranda ho kadeia tinan 15, tanba hakotu vitima Quintino do Rego nia vida.

Liu husi alegasaun final MP husu ba tribunal atu aplika pena prizaun tinan 15, tanba arguidu konfesa hotu faktus neebe MP imputa ba nia. Provadu duni katak arguidu lori tudik ho nia naruk mais menus 30 cm no luan mais menus 5 cm, neebe nia sikat nanis hela iha nia kanotak duni tuir vitima no konsege sona dala ida kona iha vitima nia kotuk laran.

Halo vitima monu kedas ba rai, haree ida nee arguidu mos halai kedas ba subar iha nia uma. Arguidu sona vitima ho tudik dala ida iha parte kotuk laran sorin los, borus ba kona iha vitima nia pulmaun sorin los hodi provoka ran sai barak no provoka  vitima nia mate tuir relatoriu autopsia.

Entertantu parte defesa husu ba tribunal atu aplika pena neebe kman ka hatun pena husi MP nia alegasaun. Tanba arguidu konfesa integralmente faktus neebe iha akuzasaun nia laran.

Tuir akuzasaun husi MP katak, iha loron (26/11/2015), haleu tuku 21:00 iha Comoro, Dili, arguidu Antonio Gil Miranda hamutuk ho vitima ho kolega sira seluk mak hanesan sasin Gelson Doute, Joanico no Valente tur hamutuk hemu tua. Nunee arguidu konvida vitima no kolega sira seluk atu partisipa festa kazamentu ida iha Tasitolu.

Iha inisiu vitima lakohi ba festa nee tanba tauk ho razaun iha altura neeba mosu poblema entre grupu arte marsiais. Maibe arguidu rasik mak fo garantia ba vitima katak “ sei laiha ema ida mak liman kona imi iha neeba, sei ema liman kona imi entaun tenke kona uluk hau maka kona imi”. Rona ida nee lezadu mos halo tuir deit hodi ba festa nee. Too iha fatin festa, vitima no  kolega sira seluk anima iha festa laran hanesan dansa no hemu tua. Informasaun kompletu iha STL Jornal no STL Web, edisaun Kinta (23/6/2016). Domingas Gomes

LEAVE A REPLY

Please enter your comment!
Please enter your name here