DILI- Atu halais prosesu Lista Veteranus sira nian naran sai lalais no tama iha lista edital, Deskonfia Funsionariu Komisaun Homenajen ho Naran Inisial SMJ, halao kobransa illegal ba Veteranus hamutuk nain 16, kada ema ida hatama osan kuaze dolar 200 iha Distritu Bobonaro.
Informasaun ne’e fo sai husi Deputadu Bankada Opozisaun Fretilin Josefe Perreira liu husi Sesaun Plenaria Tersa (22/10/2013), iha uma fukun Parlamentu Nasional katak komisaun Homenajan sempre defende aan no husu atu aprezenta provas tamba sira sente Sira nia aan nunka halo sala.
Hau iha faktus nebe nebe iha hau nia liman, nebe SMJ bobonaro nian halo kobaransa ba ema veteranus sira ho tinan 0 to 4 atu sira nia naran bele liu no lalais sai iha Edital, halo kobransa ho osan 200 Dolar kada ema ida, veteranus hamutuk eman nain 16, dehan Josefa.
Deputada ne’e Informa tan katak Kobransa illegal nebe iha orentasaun katak mai husi komisaun homenazen nasional, tan ne’e husu atu halo investigasaun no toma medida tuir lei nomeru 3 no 9 nebe mak vigora iha nasaun Timor Leste. Informasaun kompletu iha STL Jornal no STL Web, edisaun Kuarta (23/10). Timotio Gusmao