Halakon Osan CCT, Eugenia Simu Pena Suspensaun Tinan 5

DILI-Tribunal Distrital Dili (TDD) aplika pena prizaun tinan tolu (3) no suspende ba tinan lima (5) ba arguida Eugenia Da Costa Alves tanba provadu hanesan autor ba krime abuzu de konfiansa hasoru Kompania CCT ho valor osan $271,000,00 resin.

Liu husi audensia julgamentu tribunal lee sai leitura akordaun katak, arguida hanesan autor ba krime abuzu de konfiansa agravadu neebe hatur iha artigu 271 kodigu penal. Liu husi audensia julgamentu faktus provadu hotu, no laiha faktus mak la prvadu. Provadu katak iha 2006 arguida hetan konfiansa husi CCT sai hanesan tezoreira.

Iha 2012 kompania halo auditoria ba iha brankas osan CCT nian, iha osan balun mak lakon ho valor $271,000,00 resin. Depois osan nee detekta lakon, arguida halo deklarasaun bar-barak katak sei devolve fali osan neebe mak lakon. Nunee arguida konsege devolve fali $ 90,000,00 resin ba kompania, hela $181,000,00 resin.

Nia hatutan, iha julgamentu nia laran tribunal rona deklarasaun husi sasin barak. Neebe mai ho liafuan hanesan katak xave brankas nian arguida mesak mak kaer. No osan neebe iha brankas laran nee mai husi karau neebe mak CCT faan. No bainhira kompania husu osan, arguida dehan ema seidauk seluk karau nia folin. Nunee iha 2012 kompania fion detekta osan nee lakon.

Audensia nee prezide husi juiz Jose Maria de Araujo, reprezenta ministeriu publiku prokurador Antonio Guterres no arguidu hetan assistensia legal husi defensor publiku Marsal Mascarinhas. Informasaun kompletu iha STL Jornal no STL Web, edisaun Sabado (23/4/2016). Domingas Gomes

LEAVE A REPLY

Please enter your comment!
Please enter your name here