DILI– Maria Lurdes Bessa nebe antes ne’e assume kargu nudar Prezidenti Komisaun B Parlamentu Naional (PN), hasoru malu ho Prezidenti Republika Taur Matan Ruak relasiona ho mudansa strutura iha PN, liu-liu iha Komisuan B.
Ba jornalista sira, hafoin halao sorumutu ho Prezidenti Republika, Maria Lurdes Bessa hateten mudansa nebe akonteste iha komisaun B PN (PN), ne’e hanesan jogada politika, maibe nia rasik simu mudansa ne’e.
Mudansa nee hau simu konserteza, maibee hau apenas iha kestaun ida, prosesu halo mudansa maka hau kestiona, halo mudansa nee katak iha komisaun sira la iha ona konfiansa ba Prezidente komisaun, nebee prezidente komisaun hatudu dalan halo elisaun foun. Maibee halo mudansa ba Prezidente Komisaun B PN nee jogada politika, nebee justu la justu politika nunka hare ba ida nee, hare ba oportunidade no situasaun, nebee justu ka lajustu hau la bele komentariu, maibee hau informa deit katak hau simu se la iha ona konfiansa ba hau, hau la bele impoin, hau nia prezensa, hateten Bessa, ba jornalista sira iha Palasiu Prezidensial, Aitarak Laran, Dili, Sesta (13/12/2013).
Iha oportunidade ne’e, Prezidente Republika Taur Matan Ruak mos rona informasaun nebee Maria Lurdes Bessa hato’o no PR sujere atu hatama pedidu ba Prezidente PN, hodi preve prosesu elisaun ne’e. Informasaun kompletu iha STL Jornal n STL Web, edisaun Sabado (14/12/2013). Joao Anibal