Halo Violensia Bebeik Ba Ferik Oan, Fredy Hatan Hela Deit Tribunal

DILI-Arguidu Fredy Ridus hatan hela deit tribunal, tanba gosta halo violensia ba nia fen kaben no nia oan sira. Laos deit ba nia familia uma laran maibe halo ameasa mos ba vizinu sira.

Tuir akuzasaun husi Ministeriu Publiku katak iha loron (22/03/2015) iha Bebonuk arguidu Fredi Ridus diskute malu ho lezadu Sebastiao Canizio hodi duun buan, kaer aimoruk aat no faan feto aat sira. No arguidu mos ameasa atu oho arguidu bainhira mete nia problema uma laran. Ho arguidu nia hahalok nee ministeriu publiku akuza arguidu ho krime ameasa tuir artigu neebe previstu iha kodigu penal TL.

Hatan ba akuzasaun nee arguidu Fredy deklara, akuzasaun sira nee lalos hotu no falsu. Lolos nee lezadu mak subar arguidu nia kaben iha nia uma. Ho ida neemak nix hamrik hodi hakilar lezadu, no lezadu mak haruka arguidu nia kaben ba halo keisa hasoru nia. Maibe nia la halo problema ho lezadu.

Iha fatin hanesan lezadu Sebastiao hatete, antes nee iha 2013 arguidu deskonfia nix fen hela deit. Neemak arguidu ba husu vizinu nain rua mak hanesan lezadu Sebastiao no sasin Dominngos hodi rezolve sira nia problema, no ikus mai susesu arguidu ho nia kaben hela hamutuk fali. Iha loron (22/3/2015) arguidu duun nia mak tau lia ba polisia hodi deporta nia inan neebe mai husi Indonesia tama ilegal. Neemak arguidu ameasa dehan “neneik hau sei taa no oho o”. No arguidu mos duun lezadu buan kaer aikulit aat hodi subar nia ferik oan fan ba ema.

Hau la kontenti ho liafuan neemak hau halai ba halo keisa iha polisia. Arguidu nee sempre problema hela deit ho nia kaben, baku nia ferik oan no oan sira halo aat, too nia oan ida mii ran. Maibe nia la arepende ba nia hahalok, maske nia ho nia kaben mai ona tribunal hodi hetan ona desizaun. Maibe too iha uma, sira la hela hamutuk ona. So hela hamutuk kalan Ida deit, tuir fali mai lezada agora dadauk ba hela ho nia maun sira iha Fatuhada’’ tenik nia.

Iha fatin hanesan sasin Virginia Valentina Maia hatete, nia nudar fen kaben husi lezadu Sebastiao. Momentu nee Domingos mak tula arguidu nia kaben sai ba buka servisu. Arguidu mai duun lezadu dehan buan lori aimoruk aat hodi faan nia fen iha uma. Hodi nunee arguidu ameasa atu oho mate lezadu kuandu mete tan nix problema. Informasaun kompletu iha STL Jornal no STL Web, edisaun Kinta (21/4/2016). Domingas Gomes

LEAVE A REPLY

Please enter your comment!
Please enter your name here