Hamate Vitima 3, Marcelino Ses An Husi Tribunal

DILI-Tribunal Distrital Dili (TDD) la konsege notifika arguidu Marcelino dos Santos Pacheco, tanba la hatene nia hela fatin. Nunee tribunal kontinua rona deklarasaun husi sasin sira konaba akontesimentu iha 2010 liu ba, bainhira kareta neebe arguidu kondus baku fila iha Metinaro.

Tuir akuzasaun husi ministeriu publiku (MP) katak, iha loron (27/12/2010) oras 13:45 too 15:30 arguidu Marcelino dos Santos Pacheco, kondus kareta mikrolet ho numeru chapa matrikula 34-536 TLS, tula passajeirus husi Manatuto mai Dili halai ho velosidade neebe makas.

Too iha estrada Metinaro, tanba kareta refere ho velosidade neebe makas halai ho metru 30 too 60 la konsege atu redus. Hodi nunee kareta nee baku fila ba rai lolon. Iha akontesimentu nee halo vitima Cancio Ximenes hetan kanek todan no lori mai Hospital Nasional Guidu Valadares vitima mate kedas iha loron nee. Vitima Afonso da Silva no  Bernardo Bere Mau mos kanek todan no lori mai iha HNGV liu semana ida mak mate.  Ho arguidu nia hahalok nee MP akuza ho krime homesidu negligente neebe previstu iha artigu 140 kodigu penal TL.

Liu husi audensia julgamentu sasin Julio Tilman de Araujo nudar oan husi vitima Afonso da Silva katak, iha loron akontesimentu nee nia laiha fatin akontesimentu. Momentu nee nia iha hela uma Klak Fuik, Becora. Tempu nee nia aman husi Dili ba Manatuto fila liman, fila husi Manatuto atu mai Dili mak kareta nee baku fila iha estrada Metinaro nian. Husi desastre nee lori mai iha HNGV liu semana ida mak vitima mate.

Nia hatutan, kareta nee arguidu Marcelino mak lori. Akontesimentu nee nia rona katak iha ema nain tolu mak mate. Ida mak nia aman, no rua seluk nia la konese. Iha serimonia vuneravel nian, arguidu sira mai lori osan no bibi ida. Bainhira rezolve iha Polisia, arguidu fo $1000 ba dispensa vineravel nian. Informasaun kompletu iha STL Jornal no STL Web, edisaun Tersa (31/5/2016). Domingas Gomes

LEAVE A REPLY

Please enter your comment!
Please enter your name here