DILI—Hapara inportasaun husi rai liur, Timor Leste (TL), kada tinan, tenke produs fos tonelada rihun 180 atu hodi responde ba situasaun ai han iha rai laran. Tuir, Ministru Agrikultura no Peska (MAP), Mariano Asanami Sabino ba Jurnalista, Segunda (17/6), iha Palasiu Governu, Dili, katak TL sedauk bele hapara produsaun foos husi rai liur tanba, kada tinan agrikultura iha rai foin maka produs fos tonelada rihun 6000 deit, kuandu ba hare kulit rihun 120 kada tinan.
“Kuandu ita hare iha 2009-2010 ho kondisaun ita bele atinsi hare ne;e to 128.000 toneladas ba hare kulit, Depois ita halo implementasaun hand trator no traktor sira. ita sedauk asegura aihan, liliu kona ba fos iha TL, tanba ita presiza 140.000 toneladas ba fos kada tinan-tinan, agora husi hare kulit rihun 120 toneladas ita produs ba fos rihun 6000 toneladas, ida ne’e sidauk bele responde ba ema tomak ne’ebe konsumi fos,” hatete Asanami.
Nia informa tan katak, 2011 ita nia produtu ba hare komesa menus fila fali, husu ba inan aman sira atu koidadu hand traktor ne’ebe iha, material sira ne’ebe maka fo, fila rai gratuita ne’e tenke utiliza ho responsalvedade, tanba governu fo apoia maibe to tempu ida apoiu tenke para ona agrikultura tenke moris sustentabel ona. Informasaun kompletu iha STL Jornal no STL Web, edisaun Tersa (18/6). Oscar Salsinha
