DILI- Segundu Vise Prezidente Parlamentu Nasional (PN) Aderito Hugo afirma, bainhira governu hasai komunidade sira nebe’e mak hela iha hotel rejende, tanba fatin neba laos para atu komunidade sira hela, tanba ne’e PN husu sidadaun hotu tenki hakruk ba regras hotu-hotu nebe’e iha.
“Husik PNTL sira halao sira nia servisu, tanba hanesan ita bo’ot sira mos hatene katak, fatin ida rejende ne’eba governu toma ona medidas oi-oin tuir fatin proviu uja ba saida, tanba fatin ne’e ba laos para atu komunide sira hela ninia, hanesan sidadaun ida ita tenki hakruk ba regras hotu-hotu nebe’e ke iha, estadu tenki iha ninia kapasidade atu regularize sidade ne’e merese atu halo, tanba ne’e maka saida mak Polisia halo tuir regras,” hateten Hugo ba STL iha uma fukun PN Segunda (15/07).
Nune’e mos Membru Komisaun B nebe’e mak trata asuntu Negosiu Estranjeirus, Defeza no Seguransa, Cesar Valente hateten, governu laos foti medidas ne’e orjenti, tanba governu foti medidas kleur, kestaun liga ba papel sidadaun sira nian, tanba fatin neba hanesan sentru sidade, agora komunidade mai okupa, ne’e oinsa.
Deputada bankada FRETILIN Maria Angelica mos afirma, Polisia sira halo sira nia servisu tuir sira nia knar, sira PNTL la sala, tanba sira hetan autorizasaun husi komando mak hodi sira mai gusur komunidade sira iha fatin ne’e ba, tanba governu fo avisu ou atu hasai maluk sira ne’e desde iha fulan Outubru tinan kotuk. Informasaun kompletu iha STL Jornal no STL Web, edisaun Tersa (16/7). Jasinta Sequeira
