Hatama Lista Kandidatura PN, CNRT Husu Elisaun Urjenti

DILI– Bankada CNRT iha Uma fukun Parlamentu Nasional (PN) hatama rekerementu ho lista foun hodi troka kompozisaun Parlamentu Nasional, neebe mai husi bloku Koligasaun no husu ajenda urjenti hodi halo elisaun ba estrutura foun tamba Bloku la ejiste ona.

Kompozisaun Meja Parlamentu Nasional husi Bloku koligasaun neebe lidera meja PN oras nee mak hanesan Prezidente PN Vicente Guterres, Vice Parlamentu I Adriano Nacimento, Vise Prezidente II Aderito Hugo, Sekretaria Meja Fernanda lay, Vice Sekretaria I Angelina Machado, Vice Sekretaria II Angela Sarmento.

Lista Kandidatura foun husi Bankada CNRT atu troka kompozisaun meja PN hanesan Prezidente Parlamentu Nasinal Aderito Hugo, Vise Prezidente I Eduardo Bareto, Vise Prezidente II Duarte Nunes, sekretaria Fernanda Lay, Vice Sekretaria I Domingas da Silva Bilou Mali, Vise sekretaria II Angela  Sarmento.

Tuir Xefi Bankada CNRT Natalino Dos Santos katak bankada CNRT hatama tiha ona rekementu troka Kompozisaun meja parlamentu nasional neebe hein deit meja Ajenda hodi halo diskusaun tuir prosesu normal iha PN.

Ami hatama rekerementu ho lista kandidatura Prezidente Parlamentu mak Aderito Hugo, Vice Prezidente Eduardo Bareto, no Vice Prezidente seluk Duarte Nunes, sekretaris depois mai ami diskuti kandidatu hotu-hotu mai husi CNRT,” dehan Natalino ba Jornalista Segunda (25/04/2016) iha PN.

Iha fatin hanesan Deputadu Bankada PD, Viriglio Hornai hatete Parlamentu mak hamosu governu tamba nee konstitusaun republika la fo dalan hodi halo maioria simples  nune funsionamentu parlamentu entermus meja durante nee iha bloku. Informasaun kompletu iha STL Jornal no STL Web, edisaun Tersa (26/4/2016). Timotio Gusmao

LEAVE A REPLY

Please enter your comment!
Please enter your name here