LIQUIÇA- Asosiasaun kuandu hetan konfiansa husi komonidade no povu Ulun boot Asosiasaun lalika falun Asosiasaun ho interese prividu, maibe presiza foti aas interese asosiasaun ninian hodi dezemvolve asosiasaun, tan ne’e asosiasaun veteranu tenki hadutu exemplu nebe diak ba jerasaun foun ohin loron.
Informasaun ne’e fo sai husi Administrador Distritu Liquiça Domingos dos Santos liu husi Diskursu, wainhira partisipa iha Seremonia tomada de pose ba estrutura Eleitu Asosiasaun Veteranu no Martires Libertasaun Nasional Distritu Liquiça, Domingu (13/10/2013).
Veteranu sira mak sai Ezemplu ba foin sae sira, hau sisi iha eventu historiku ida nee’e labele falun asosiasaun ho interese privadu, hau hein katak ita Liquiça oan, ita hamutuk hakat ba prosesu dezemvolvimentu iha rai laran, Domingos.
Iha fatin hanesan sekretariu Estadu Asuntu Veteranu Julio Sarmento Meta Malik hatete Asosiasaun Hamrik ona iha Liquiça, ema balun sei halo Propaganda Negativa atu sobu asosiasaun maibe tenki tetu didiak. Informasaun kompletu iha STL Jornal edisaun Kuarta (16/10). Timotio Gusmao