Horta: Sai PR Tenki Halo Kooperasaun Diak Ho Rai Liur

SOIBADA, STLNEWS.co – Atu sai Prezidente Republika (PR) tenki ema neebe bele halo kooperasaun diak ho nasaun seluk, hodi hadia fali eskonomia rai laran, dada investor sira mai investe hodi fo servisu ba Timor oan sira.

Kestaun nee haktuir husi kandidatura Prezidente Republika, Jose Ramos Horta, liu husi nia diskursu wainhira halo mini kampanha iha Munisipiu Manatuto, Postu Soibada, Kinta nee (07/04/2022).

“Hau husu ba povu iha Munisipiu Manatuto tomak atu fo imi nia votus ba numeru 1, ho nunee bele hadia ekonomia rai laran, dada investor sira mai investe hodi fo servisu ba Timor oan sira,” dehan Horta.

Ramos Horta mos promete katak, karik nia eleitu ba PR nia sei servisu makaas, koalia ho parseiru rai liur sira.

Tuir Horta, lo-loos nee nia la kandidatu aan ona ba PR, maibe tanba atu hadia problema sira neebe akontese ona iha rai laran.

Iha fatin hanesan, Rogerio Lobato neebe partisipa iha mini kampanha nee husu ba povu Soibada oan sira atu fihir didiak wainhira fo votus, tanba haree ba figura ukun, Ramos Horta ema neebe iha kapasidade atu hadia problema neebe akontese iha laran.

“Hau husu ba povu iha Manatuto atu fo imi nia votus ba Ramos Horta, no lori hikas nia ba tuur iha Palasiu Aitarak Laran,” dehan Rogerio Lobato.

Iha mini kampanha nee, hetan akompanhamentu husi apoiantes sira husi partidu hirak neebe deklara fo apoiu ba kandidatu Jose Ramos Horta.

Mini kampanha nee hetan observa husi observador rai laran no rai liur, no mos Komisaun Nasional ba Eleisaun (CNE – sigla portugues) no Sekretariadu Tékniku ba Administrasaun Eleitoral (STAE).

(mad)

LEAVE A REPLY

Please enter your comment!
Please enter your name here

NEWS UPDATE

Numeru Konflitu Tuun Makaas Dezde Governu Desidi Reativa Atividade Arte Marsiais & Arte Ritual

DILI, STLNEWS.co - Primeiru Ministru (PM) Taur Matan Ruak hateten, dezde governu desidi reativa atividade Grupu Arte Marsiais no Arte Ritual, numeru konflitu iha...

Taur Apresia Esforsu SEJD-KRAM Reativa Atividade Arte Marsiais & Arte Ritual

DILI, STLNEWS.co - Primeiru Ministru (PM) Taur Matan Ruak agradese esforsu Sekretariu Estadu Juventude no Desportu (SEJD) no Prezidente Komisaun Reguladora Arte Marsias (KRAM ), neebe...

Sasin La Iha Konhesimentu Kazu Konstrusaun Armajen Foos

DILI, STLNEWS.co - Kazu konstrusaun armajen foos, Tribunal Distrital Dili kontinua rona sasin. Tanba nee, iha julgamentu kontinuasaun nee, tribunal rona sasin ho inisial MC neebe...