DILI– Reprezentante espesial Sekertariu Geral Nasoens Unidas ba Guine Bissau Jose Ramos Horta, sei hasoru Primeiru Ministru Xanana Gusmão hodi diskuti konaba Ajensia Dezenvolvementu nebee sira halo tiha ona desizaun.
Iha asuntu balun importante tebe-tebes, konaba ajensia dezenvolvementu, Parlamentu Nasional ho Governu nebe halo tiha ona desizaun.
“Hau hakarak hatene, bain hira lolos maka atu hahu ajensia nee, tamba ita nia Parlamentu Nasional mos hakarak vizita delegasaun ida ba iha neba, ita nia Primeiru Ministru mos halo tiha ona dezisaun, atu haruka delegasaun F-FDTL atu ba iha Guine Bissau iha fulan Juliu agora, tamba hau organiza konfrensia ida konaba modernizasaun Forsa Armadas iha Guinea Bissau nia,” hateten Reprezentante Espesial Sekertariu Geral Nasoens Unidas ba Guine Bissau Jose Ramos Horta, liu husi konferensia imprensa, iha Aero Portu Nicolao Lobato, Comoro Dili, Sesta (21/06/2013).
nia hatutan ho buat sira ne’e maka nia hakarak koalia ho Primeiru Ministru Xanana Gusmão ho Prezidente Republika Taur Matan Ruak, tamba ho Partisipasaun F-FDTL nian iha Guine Bissau nee importante tebes. Informasaun kompletu iha STL Jornal no STL web, edisaun Sabado (22/6). Joao Anibal
