DILI-Relasiona perdiam nebe institusaun governu,estadu no mos Organijasaun nao Govermental (ONG) sira fo ba Jornalista, wainhira halao kobertura iha Distritu la fo Impaktu ba institusan media, kompara ho salariu nebe institusaun seluk propoin ba jornalista hodi husik institusaun media mak sai risku bo’ot, tamba forma ema atu sai jornalista nebe iha koinesementu diak la fasil.
Informasaun ne’e fo sai husi Prejidente Republika Taur Matan Ruak liu husi Diskursu Domingu (27/10/2013) iha Salaun Ministeriu Negosiu Estranjeiru (MNE), atu taka kongresu jornalista Timor oan durante loron tolu nebe kria kode etika no mos apresiaun ba esbolsu konselu imprensa iha Nasaun Timor Leste.
Perdiam nebe mak iha laboot no la too atu sosa jornalista ida maibe institusaun seluk nebe mak fo osan barak hodi jornalista ida halai sai husi institusaun media nebe mak forma jornslita nee’e mak sai riksu liu, dehan Prezidente Taur.
Iha fatin hanesan Reprezentante Governu Atual Sekretariu Estadu Asuntu Parlamentar, Teresinha Viegas informa katak la simu perdiam ne’e inkliu iha kode etika jornalismu, maibe presija hare jornalista sira nebe ejerse sira nia knar. Informasaun kompletu iha STL Jornal no STL Web, edisaun Tersa (29/10). Timotio Gusmao/Thomas Sanches
