Husu Deskulpa, Abrao Livre Husi Krime

DILI-Tribunal Distrital Dili (TDD) homolonga hikas dezistensia de keisa no absolve arguidu Abrão da Silva husi krime Ofensas Integridade Fizika Simples (OIFS), tanba lezadu Bernadinho Sarmento hakarak  perdua  no  dame malu ho arguidu.

Liu husi sala audensia, juiz prosesuAntoninho Gonsalves katak, krimi ofensas nee simples no kiik liu neebe ho nia natureza semi publiku entaun lei fo dalan ba tribunal hodi halo tentativa rekonsiliasaun karik lezadu perdua arguidu no hakarak dada fila fali kazu nee no dame malu fali ho arguidu.

Depois esplika juiz konfirma ho lezadu Bernadinho Sarmento, lezadu mos hatete nia perdua arguidu no hakarak halo desistensia de keisa ka dada fila fali kazu nee no hakarak rezolve familia deit. Nunee mos ho arguidu Abrão da Silva, nia simu saida mak lezadu hatoo ona no  ba oin nia sei la halo tan krimi nee.

Depois rona tiha deklarasaun husi parte rua nian, tribunal dehan ba arguidu katak, ba oin labele halo tan krimi nee no krimi seluk hasoru lezadu nomos ema seluk. Se halo tan, mai fali dala ida sei hatodan tan arguidu ona. Informasaun kompletu iha STL Jornal no STL Web, edisaun Kinta (2/6/2016). Domingas Gomes

LEAVE A REPLY

Please enter your comment!
Please enter your name here