Implementa Munisipiu, Veteranu Rezeita Lei Administrativu Teritoriu

DILI – Veteranus balun la konkorda Timor Leste Implementa Lei Administrativu teritoriu hodi estabele Munisipiu no Postu Administrativu, tan nee husu Parlamentu Nasional no Prezidente Republika atu halo alterasaun ba lei nee.

Reprezentante Veteranus Jose Teki Liras hamutuk ho veteranus balun hakat ba Parlamentu Nasional, hodi hatoo proposta ba PN atu halo Alterasaun ba Proposta lei Administrativu teritoriu neebe hetan ona aprovasaun final global ho unanimidade.

Ami lakonkorda ita implementa lei Divizaun Administrativu teritoriu hodi implementa munisipiu no postu Administrativu, tamba Parlamentu Aprova fali estrutura kolonial neebe mak ukun Timor Leste durante tinan barak,” dehan Teki Liras ba Jornalista, Segunda (02/04/2016) iha PN.

Nia hatete Implementasaun Munisipiu no Postu Administrativu husi Portugal neebe ukun Timor Leste, tan nee nudar veteranus la konkorda kuandu Parlamentu Nasional la halo alterasaun mak sei lori ba iha Tribunal hodi hetan lia los.

Hatan ba preokupasaun nee, Vice Prezidente Komisaun A PN asuntu konstitusaun, Administrasaun Publiku, Justisa, Anti Korupsaun no Poder Lokal Arao Noe hatete Veteranus sira hatoo sira nia petisaun ba komisaun A relasaun alterasaun ba lei Administrativu teritoriu.

Nunee mos Ministru Estadu Kordenador Asuntu Administrativu no Ministru Administrasaun Interna Dionisio Babo antes nee hatete lei nee koalia kona ba administrativu territorial hodi determina administrasaun territorial no mos atribui kompetensia ba munisipiu. Informasaun kompletu iha STL Jornal no STL Web, edisaun Kuarta (4/5/2016). Timotio Gusmao

LEAVE A REPLY

Please enter your comment!
Please enter your name here